Luke 1:67-79

Luke 1: 67 - 79

Ko e tohi ko eni, ‘oku ‘iloa ia ko e Saame ‘o e Fakafeta’i (The Benedictus). Pea ‘oku ngaue’aki ‘i he saame ko eni ha ngaahi kupu’i lea mei he fuakava motu’a. ‘I he saame ko eni, ‘oku tuku mai ai ‘e Sakalaia ha ngaahi me’a lalahi ‘e faa:

  1. ‘Oku uki heni ‘e Sakalaia, ke fakafeta’ia ‘a e ‘Otua.
  2. Ko hono fakafeta’ia, he kuo ‘a’ahi mai ‘a e ‘Eiki ke fakahaofi ‘a hono kakai.
  3. ‘Oku fakamatala heni ‘e Sakalaia, ‘a e hoko mai ‘a Misaia ki he kakai ‘isileli. Pea ko IA ia ‘a e nifo mo’onau fakahaofi (horn of salvation). Pea ‘oku fakataataa’i ‘e he nifo (horn) ‘a e mafai mo e malohi ‘oku ma’u ‘e he monumanu Pea ko e Misaia ko e toko taha ia ‘e ‘i ai hono mafai mo e malohi, ‘a ia te ne fakahaofi’aki hono kakai mei honau ngaahi fili. He ko e kovinanite/palomesi eni ne tuku ‘e he ‘Otua kia ‘Epalahame, ko hotau tupu’anga.
  4. ‘Oku ha foki ‘i he saame ko eni, ‘a e palofisai ‘a Sakalaia, ‘o fekau’aki mo e fatongia/ngaue fakamisinale ‘a hono foha ( ‘a Sione Papitaiso). ‘Ilo heni, ne mahino lelei pe kia Sakalaia ‘a e me’a ne lea ‘aki ‘e he kau ‘angelo: ‘a e hoko ‘a Sione ko e fakamelomelo ki he Misaia. Ko hono fatongia ko e teuteu ‘a e ha’ele’anga ‘o e ‘Otua. Pea ko ia ai, ‘e hoko ‘a Sione ko e taupotu taha ‘o e kau Palofita.