Luke 23:33-43

Ko e talanoa maheni pe eni. He ‘oku talanoa ‘a e ongo tohi ko ee, ‘a Matiu mo Sione, ki he me’a tatau pe. Ka ‘oku mahino mei he tohi ‘a Luke, ‘oku ‘i ai e me’a ia ‘oku fakatokanga’i ‘e Luke, ‘a ia ‘oku ‘ikai fu’u haa mai ‘i he ongo tohi ‘a Matiu mo Sione.

‘Oku fakamatala faka’auliliki mai ‘e Matiu ia mo Sione, ‘a e mate’anga ‘o Sisu, fakatatau ki he lau ‘a e fuakava motu’a. Ka ‘oku tokanga ‘a Luke ia ki he me’a ko eni, ko Sisu Kalaisi ko e Misaia anga fa’a fakamolemole. He ‘oku a’u pe eni ki he mate, ‘oku ne fai pe ‘a e fakamolemole.

‘Ave ‘e he kau tangata ‘a Sisu ‘o tutuki ki he kolosi, ka e hanga hake ia ki he langi, ‘o kole ki he Tamai ke ne fakamolemole’i ‘a e fa’ahinga ko eni. ‘Ikai ngata ai, ka na’a ne fakamolemole’i foki mo e taha ‘o e ongo kaiha’a ‘akau ne tutuki fakataha mo ia.

A’u ee ki he mate, ko e ivi ‘a Kalaisi ‘oku kei malohi noa pe, ‘i hono ‘omi ‘a e fa’ahinga ‘o e tangata ke fetaulaki mo hono ‘Otua.

• < Prev
• Next >